Hvar er hægt að sækja námskeið?

Nú þegar Fræðslumiðstöð Vestfjarða er að kynna námsframboðið næsta vetur er rétt að leggja áherslu á að miðstöðin kappkostar að þjóna sem flestum á Vestfjörðum. Þótt flest námskeiðin séu auglýst á Ísafirði er oft hægt að setja námskeið upp hvar sem er á Vestfjöðrum og í sumum tilfellum er unnt að fjarkenna námskeið þangað sem er fjarfundabúnaður, þótt þau séu auglýst í staðkennslu.

• föstudagurinn 29. ágúst 2014
• Dagný Sveinbjörnsdóttir

Náms- og starfsráðgjafi á Ströndum, Reykhólum og Suðursvæðinu

Björn Hafberg, náms- og starfsráðgjafi verður á Hólmavík, Reykhólum og sunnanverðum Vestfjörðum dagana 4. - 6. september n.k. (fimmtudag til laugardags).

Björn mun heimsækja vinnustaði og vera með einstaklingsviðtöl.

Einstaklingsviðtölin eru tilvalin fyrir þá sem vilja skoða stöðu sína og möguleika, svo sem;

• Fá upplýsingar um nám.
• Fá upplýsingar um styrki til náms.
• Setja sér markmið í námi og starfi.
• Kanna færni sína í starfi og fá upplýsingar um raunfærnimat.
• Taka áhugasviðspróf.
• Rækta sjálfan sig.

Ráðgjöfin er fólki að kostnaðarlausu.

Gríptu tækifærið og skráðu þig hjá Birni í síma 899 0883, eða hjá Fræðslumiðstöð Vestfjarða í síma 456 5025 eða með tölvupósti smari@frmst.is

• miðvikudagurinn 27. ágúst 2014