Fimmtudaginn 18. september kl. 18:00 verður kynning á námskeiðum í íslensku fyrir útlendinga á Ísafirði. Kynningin er hugsuð til þess að fara yfir fyrirkomulag námsins með væntanlegum þátttakendum og eins til þess að kanna kunnáttu þeirra þannig að hægt sé að skipta í hópa eftir því á hvaða stigi fólk er. Stefnt er að því að kennsla hefjist svo í næstu viku bæði fyrir byrjendur og lengra komna.
Fræðslumiðstöðin hvetur alla áhugasama til þess að mæta, það er alltaf hægt að skerpa á og bæta málakunnáttuna.
- þriðjudagurinn 16. september 2014
- Dagný Sveinbjörnsdóttir
Fræðslumiðstöð Vestfjarða og Jakob Valgeir ehf standa fyrir námskeiði í íslensku fyrir útlendinga í Bolungarvík. Námskeiðið hefst þriðjudaginn 16. september.Kennt verður tvisvar í viku, þriðjudaga og fimmtudaga kl. 18-20. Kennt verður í Safnaðarheimilinu í Bolungarvík. Kennari á námskeiðinu er Zofia Marciniak.
Laugardaginn 20. september hefst svo íslenskunámskeið fyrir Taílendinga sem einnig er haldið í Bolungarvík. Kennari á því námskeiði er Laddawan Dagbjartsson. Kennt verður á laugardögum kl. 16-18 og fer kennslan fram í húsnæði Verkalýðs- og sjómannafélags Bolungarvíkur að Hafnarstræti 37.
Meira
- þriðjudagurinn 16. september 2014
- Dagný Sveinbjörnsdóttir
