Kennsla í Landnemaskóla 1 er að hefjast á Patreksfirði. Landnemaskólinn er 120 kennslustunda nám ætlað fullorðnu fólki á vinnumarkaði, sem ekki á íslensku að móðurmáli. Auk þess að styrkja íslenskukunnáttu á skólinn að auðvelda fólki lífið í íslensku samfélagi. Kennt verður í Selinu að Sigtúni 21 á Patreksfirði, síðdegis á mánudögum til fimmtudaga. Landnemaskólinn er ein af vottuðum námsleiðum Fræðslumiðstöðvar atvinnulífsins. Heimilt er að meta skólann til 10 eininga í framhaldsskólum.
Kennari verður Anna Benkovic framhaldsskólakennari.
Sjá ummæli námsmanna um Landnemaskólann.
Sjá kynningu á Youtube.
For information in English.
Więcej informacji na temat polskich.
Nánari lýsing og skráning er hér.
- mánudagurinn 15. september 2014
-
Fræðslumiðstöðin er að senda út blöðung í hús á norðanverðum Vestfjörðum til að kynna næstu námskeið á því svæði. Það er óhætt að segja að fjölbreytnin sé í fyrirrúmi strax á fyrstu vikum vetrastarfsins.
Laugardaginn 13. september hefst íslenskukennsla fyrir Taílendinga og verður að þessu sinni kennt í Bolungarvík.
Miðvikudaginn 17. september byrjar 30 kennslustunda bókhaldsnámskeið og daginn eftir, fimmtudaginn 18. september, verður kynningarfundur á Ísafirði fyrir þá sem ætla að sækja íslenskukennslu þar.
Laugardaginn 20. september getur áhugafólk um framandi matarmenningu sótt námskeið í indverskri matargerð.
Mánudaginn 22. september verður fyrirlestur um umgengni við blinda og sjónskerta. Þann dag er einnig kynning á námsskrám Fræðslumiðstöðvar atvinnulífsins sem boðið verður upp á í vetur. Þar er um að ræða nám á bilinu 60-300 kennslustundir ætlað fólki sem ekki hefur lokið framhaldsskóla en vill annað hvort komast af stað í almennu námi eða eflast í starfi.
Þriðjudaginn 23. september hefst svæðisleiðsögunám, miðvikudaginn 24. er boðið upp á hraðnámskeið í þýsku og daginn eftir, þann 25. hefst enska fyrir byrjendur eða þá sem hafa lítinn grunn í málinu.
Fræðslumiðstöðin hvetur áhugasama að skrá sig sem fyrst. Nánari upplýsingar um hvert námskeið er að finna hér á vefnum undir námskeið. Einnig í síma 456 5025.
- fimmtudagurinn 11. september 2014
- Dagný Sveinbjörnsdóttir
