Raunfærnimat

Fræðslumiðstöð Vestfjarða stendur fyrir raunfærnimati á námsbrautum félagsliða-, leikskólaliða- og stuðningsfulltrúa í grunnskólum. Að loknu raunfærnimati getur fólk hafið nám á viðkomandi braut við einhverja þá fræðslustofnun sem býður slíkt nám. Einnig er hægt að gangast undir raunfærnimat eftir að nám er hafið.

Í tengslum við raunfærnimatið býður svo Fræðslumiðstöðin nám á leikskólaliða- og stuðningsfulltrúabrú í samstarfi við SÍMEY á Akureyri og Farskólann á Norðurlandi vestra, sjá hér.

Til viðbótar við raunfærnimat á ofangreindum námsbrautum hefur Fræðslumiðstöðin fengið fjárveitingu til að aðstoða fólk við að komast í raunfærnimat í öðrum greinum. Þá starfar miðstöðin með öðrum fræðsluaðilum, einkum IÐUNNI fræðslusetri.

Með raunfærnimati getur fólk fengið þekkingu og færni sem það hefur aflað sér á vinnumarkaðinum metna jafngilda áföngum í skólum og stytt þannig nám sitt.

Inntökuskilyrði í raunfærnimat eru aðeins mismunandi eftir greinum, en lágmarksaldur er yfirleitt 22 – 25 ár, starfstími í greininni 3 – 5 ár og stundum er krafist að viðkomandi hafi lokið um 240 kennslustundum í starfstengdu námi.

Ferli raunfærnimats

1. Kynning.
2. Útvegun gagna.
   • yfirlit um fyrra nám/námskeið.
   • staðfesting á vinnu í faginu.
3. Viðtal hjá náms– og starfsráðgjafa.
4. Tveir vinnufundir—færnimappa og sjálfsmatslistar.
5. Matsviðtal.
6. Niðurstöður og næstu skref (nám eða starf).

Nánari upplýsingar eru veittar hjá Fræðslumiðstöð Vestfjarða í síma 456 5025, eða með tölvupósti, smari@frmst.is.

Endilega kannið stöðu ykkar.

• þriðjudagurinn 18. ágúst 2015

Leikskólaliða- og stuðningsfulltrúanám - fjarkennt

Fræðslumiðstöð Vestfjarða verður í samstarfi við Farskólann á Norðurlandi vestra og SÍMEY á Akureyri um að kenna leikskólaliða- og stuðningsfulltrúabrú. Kennt verður eftir Aðalnámskrá framhaldsskóla, menntamálaráðuneytið júlí 2009 sjá nánar hér

Námsþættir: Fötlun 103, Hegðun og atferlismótun 103, Leikur sem náms- og þroskaleið, Íslenskar barnabókmenntur 633, Listir og skapandi starf 103, Samskipti og samstarf 103, Sálfræði 203, Siðfræði 102, Skyndihjálp 101, Uppeldisfræði 103 og 203, Þroski og hreyfing, Kennslustofan og nemandinn

Námið er ætlað þeim sem starfa í leik- og grunnskólum. Nemendur þurfa að vera orðnir 22ja ára hafa að baki að minnsta kosti þriggja ára starfsreynslu á viðkomandi starfssviði. Námið er fjarkennt að undanskildum 11 kennslustundum í upphafi sem verða staðkenndar. Nemendur sem ljúka leikskólaliða- og stuðningsfulltrúabrú hljóta starfsheitin leikskólaliði og stuðningsfulltrúi. 

Kennarar: Ýmsir kennarar á vegum SÍMEY

Tími: Fimmtudagar og einstaka föstudaga frá kl. 17:00 - 21:00. Námið hefst 4. September 2015. Einnig er hægt að byrja í janúar 2016 og ljúka. Stundaskrá haustannar er hér.

Lengd: Um 50 eininga nám á framhaldsskólastigi. Námið er 4 annir. 
Námsþættir á haustönn 2015:  Siðfræði 102, Uppeldisfræði 103, Kennslustofan og nemandinn. Alls 73 kennslustundir.
Námsmat: Símat og verkefnavinna
Verð: Þátttakendur greiða fyrir hverja önn og er verðið 36.500.- Munið að flestir getað fengið styrk fyrir þeirri upphæð í stéttarfélagi viðkomandi.

Nánari upplýsingar á vef hjá SÍMEY eða hjá Fræðslumiðstöð Vestfjarða í síma 456 5025 og netfanginu frmst@frmst.is

• föstudagurinn 14. ágúst 2015