Hvað væri áhugavert að læra? Eða viltu kannski kenna?

Frá námskeiði í vélgæslu.

Útskrift úr íslenskunámskeiði.

« 1 af 2 »

Nú er námskeiðum þessa skólaárs um það bil lokið hjá Fræðslumiðstöð Vestfjarða. Þá tekur við undirbúningur fyrir næsta vetur sem felst að stórum hluta í því að ákveða hvað á að bjóða upp á.

Eins og alltaf erum við hjá Fræðslumiðstöðinni opin fyrir öllum góðum hugmyndum hvað varðar námskeið eða námsleiðir. Við viljum því hvetja fólk til að láta okkur vita hvers konar námskeið það vill sjá hjá okkur næsta vetur.

Einnig viljum við gjarnan heyra frá fólki sem langar að deila þekkingu sinni og kunnáttu með öðrum og hugsanlega kenna á námskeiðum hjá Fræðslumiðstöðinni. Þetta gætu verið námskeið í tungumálum, tölvum, samfélagsmiðlum, ferðamálum, tómstundum, persónulegri færni, vinnumarkaðstengd námskeið og svo framvegis.

Fræðslumiðstöð Vestfjarða er ekki með fastráðna kennara heldur aðeins stundakennara. Því stærri sem kennarahópurinn er, því fjölbreyttari námskeið getum við boðið uppá.

Hægt er að koma ábendingum til okkar með tölvupósti frmst@frmst.is eða í síma 456 5025. Öllum ábendingum er vel tekið.  

• miðvikudagurinn 8. júní 2016
• Dagný Sveinbjörnsdóttir

Kynning á Áttinni

Á næstu vikum mun starfsfólk Fræðslumiðstöðvar Vestfjarða heimsækja fyrirtæki til að kynna vefgáttina attin.is.

Áttin er sameiginleg vefgátt fyrir átta fræðslu- og starfsmenntasjóði þar sem fyrirtæki geta sótt um styrki á einum stað fyrir starfsfólk sitt þótt það eigi aðild að mismunandi sjóðum.

Fyrirtæki innan Samtaka atvinnulífsins hafa lengi óskað eftir einfaldara kerfi og greiðari leið fyrir þau til að sækja í fræðslu- og starfsmenntasjóði. Þau fyrirtæki þar sem starfsmannahópurinn er fjölbreyttur og greitt er af í mismunandi stéttarfélög, hafa hingað til þurft að sækja til margra sjóða og fræðslustofnana um styrki. Með Áttinni eiga þau að geta sótt um styrki fyrir nær allt sitt fólk með aðeins einni umsókn.

Sjóðirnir sem standa að Áttinni eru IÐAN fræðslusetur, Landsmennt, Menntasjóður Verkstjórasambandsins og SA, Rafiðnaðarskólinn, Starfsafl, Starfsmenntasjóður verslunar- og skrifstofufólks og Starfsmenntasjóður verslunarinnar. Ætla má að sjóðirnir nái til um 110-120 þúsund starfsmanna á almenna vinnumarkaðnum eða um 75-80% starfsmanna á þeim vinnumarkaði.

Áttin hefur samið við Fræðslumiðstöð Vestfjarða um kynna vefgáttina fyrir á fyrirtækjum á Vestfjörðum sem málið varðar.

Sjá nánar á attin.is

• föstudagurinn 3. júní 2016