Fræðslumiðstöðin leggur metnað sinn í að þjóna öllum íbúum Vestfjarða eins og kostur er. Liður í því er að bjóða upp á nokkur námskeið sérstaklega ætluð pólskumælandi fólki. Fyrir utan íslenskunámskeiðin sem hefjast nú í byrjun maí eru fjögur námskeið á döfinni með pólskum kennurum. Þau eru:
Enska fyrir byrjendur – hefst 5. maí.
Hvatningaleiðir í daglegu lífi – haldið 5. maí
Að byggja upp sjálfstraust hjá börnum – haldið 6. maí
Að sigra stress – haldið 12. maí
Nánari upplýsingar veitir Barbara Gunnlaugsson barbara@frmst.is
- þriðjudagurinn 28. apríl 2020
- Dagný Sveinbjörnsdóttir
Þrjú íslenskunámskeið eru á dagskrá hjá Fræðslumiðstöð Vestfjarða nú í byrjun maí. Mánudaginn 4. maí hefst Íslenska 1a sem ætlað er byrjendum eða fólki sem hefur mjög lítinn grunn í málinu. Kennt verður hvern virkan morgun kl. 10-12 í tvær vikur, alls í 10 skipti. Námskeiðið er því upplagt fyrir fólk sem er ekki í vinnu eða laust við á þessum tíma dagsins. Kennari er Ólöf Bergmannsdóttir.
Sama dag, mánudaginn 4. maí hefst Íslenska 2a. Það námskeið er ætlað fólki sem er komið með smá grunn í málinu. Kennt verður á mánudögum og miðvikudögum kl. 17:30-19:30, í 10 skipti alls. Kennari er Kesja Szczukiecka Pacholek.
Þriðjudaginn 5. maí hefst Íslenska 3a, námskeið ætlað fólki sem komið er vel af stað í íslensku en vill bæta orðaforða, skilning og málfræði. Námskeiðið verður kennt á þriðjudögum og fimmtudögum kl. 17:30-19:30, í 10 skipti alls. Kennari er Ólöf Bergmannsdóttir.
Námskeiðin eru kennd í gegnum fjarfundakerfið Zoom. Nemendur geta tekið þátt í gegnum tölvu, síma eða önnur snjalltæki. Hvert námskeið kostar 27.000 kr.
Starfsmenntasjóðirnir Ríkismennt, Sveitamennt og Landsmennt greiða námskeiðsgjaldið að fullu fyrir þá félagsmenn í VerkVest og Verkalýðs- og sjómannafélagi Bolungavíkur sem starfa á vegum ríkis eða sveitarfélaga eða samkvæmt kjarasamningi SGS og SA (hér eru flestir sem starfa á almennum markaði fyrir utan verslunar- og skrifstofufólk).
Fræðslumiðstöðin hvetur fólk til þess að hafa samband við sitt stéttarfélag til að kanna með aðild að starfsmennasjóði og stuðning til náms.
Nánari upplýsingar veitir Barbara Gunnlaugsson barbara@frmst.is
- þriðjudagurinn 28. apríl 2020
- Dagný Sveinbjörnsdóttir
