Útskrift í raunfærnimati

F.v. Ásta G. Kristinsdóttir, Guðrún María Ármannsdóttir og María Kolbrún Valsdóttir, ásamt Sigurborgu Þorkelsdóttur verkefnastjóra.

Nýlega luku 14 konur raunfærnimati í félagsliða-, leikskóla- og stuðningsfulltrúagreinum. Tólf þeirra búa á Vestfjörðum og tvær á Vesturlandi. Þær sem áttu heimangengt og búa á norðanverðum Vestfjörðum tóku við skírteinum sínum í Fræðslumiðstöðinni föstudaginn 18. mars og þáðu snittur úr Hamraborg og fleira góðgæti að afhendingu lokinni.

Með raunfærnimati lýkur fólk ákveðnum áföngum í viðkomandi námi og fær þannig þekkingu sína úr lífi og starfi metna til jafns við að taka áfangana í skóla.

Nú bíður þeirra fjórtán sem voru að útskrifast að ljúka náminu við einhvern skóla þar sem viðkomandi námsbrautir er í boði.

Fræðslumiðstöð Vestfjarða sá um allan undirbúning hjá þeim sem búa á Vestfjöðrum en Símenntunarmiðstöð Vesturlands hjá þeim á Vesturlandi. Sjálft raunfærnimatið var keypt af SÍMEY á Akureyri og voru flestir matsaðilar kennarar við framhaldsskólana þar.

Tengiliður hjá SÍMEY var Hildur Bettý Kristjánsdóttir náms- og starfsráðgjafi, sem einnig tók nokkur matsviðtöl.

Raunfærnimatsverkefninu var stjórnar af Sigurborgu Þorkelsdóttur hjá Fræðslumiðsstöð Vestfjarða.

Raunfærnimatið var fjármagnað af Fræðslusjóði framhaldsfræðslunnar.

Meðfylgjandi mynd var tekin við athöfnina.

• laugardagurinn 19. mars 2016

Úttekt á kennsluefni

Helga Sigrún Harðardóttir framkvæmdastjóri Fjölís

Helga Sigrún Harðardóttir framkvæmdastjóri Fjölís, hagsmunafélags höfundarréttarsamtaka var hjá Fræðslumiðstöðinni á mánudag til miðvikudags í þessari viku.

Helga Sigrún var að fara yfir notkun á kennsluefni hjá Fræðslumiðstöðinni með kennurum og öðru starfsfólki.

Kvasir samtök fræðslu- og símenntunarmiðstöðva er með samning við Fjölís um notkun á efni til kennslu, en sá samningur er orðinn gamall og aðstæður breyttar síðan hann var gerður. Meðal annars hefur aðilum að Kvasi fjölgað.

Til að fá sem gleggsta mynd af notkuninni bauðst Fræðslumiðstöð Vestfjarða til að fara í þessa úttekt með Fjölís. Brugðist kennarar og starfsfólk vel við þeirri ósk þannig að vinnan gekk fljótt og snurðulaust fyrir sig.

Niðurstöður þessarar vinnu verða svo lagðar til grundvallar nýs samnings á milli fræðslu- og símenntunarmiðstöðvanna og Fjölíss.

• föstudagurinn 11. mars 2016