Fræðslumiðstöðin í samstarfi við Menntaskólann á Ísafirði og Fisktækniskólann hóf í haust að bjóða upp á grunnáfanga í bóklegum greinum sem nýtast í námi í fisktækni eða sem undirbúningur fyrir nám í framhaldsskóla. Á vorönn er kennd íslenska, stærðfræði og upplýsingatækni.
Ef þú hefur áhuga á að bætast í hópinn endilega hafðu sem fyrst samband við Helgu Konráðsdóttur, náms- og starfsráðgjafa hjá Fræðslumiðstöðinni, sími 456 5025 eða helga@frmst.is.
- föstudagurinn 10. janúar 2020
- Dagný Sveinbjörnsdóttir
Síðasta íslenskunámskeiði ársins 2019 lokið. Nemendurnir tóku sig saman og buðu upp á veitingar.
Vel hefur gengið með námskeið í íslensku fyrir útlendinga hjá Fræðslumiðstöð Vestfjarða á þessu ári sem senn er að líða. Alls voru haldin 28 námskeið hjá miðstöðinni, flest á Ísafirði en einnig á Hólmavík og Drangsnesi, Patreksfirði, Tálknafirði og Bíldudal, Bolungarvík, Þingeyri og Suðureyri auk nokkurra fjarkenndra námskeiða. Fræðslumiðstöðin vill þakka nemendum fyrir góða ástundun og einnig fyrirtækjum á svæðinu fyrir að hvetja sitt fólk til þess að sækja námskeið. Íslenskunámskeiðin byrja aftur í janúar. Vonandi verða Vestfirðingar sem eiga annað móðurmál en íslensku jafn duglegir að sækja nám á nýju ári því íslenskukunnátta er jú einn af mikilvægum þáttum þess að geta tekið virkan þátt í samfélaginu.
Bestu jólakveðjur.
Kennarar og starfsfólk Fræðslumiðstöðvar Vestfjarða.
- þriðjudagurinn 10. desember 2019
- Dagný Sveinbjörnsdóttir
