Raunfærnimat í starfsnámi

Sigurborg Þorkelsdóttir verkefnastjóri.

Raunfærnimat fyrir starfsnám félagsliða, leikskólaliða og stuðningsfulltrúa í grunnskólum er nú gangi hjá Fræðslumiðstöð Vestfjarða. Með raunfærnimatinu fá þeir sem undir það ganga þekkingu sína og hæfni metna á móti áföngnum í námi, sem jafngildir því að þeir hafi verið teknir í skóla. Þannig flýtir fólk fyrir sér í námi og losnar við að taka áfanga sem það þegar hefur á valdi sínu.

Um 20 manns gangast undir raunfærnimat í þessu sinni.

Hluti þeirra sem undir matið ganga eru byrjaðir í námi fyrir leikskólaliða og stuðningsfulltrúa, sem Fræðslumiðstöðin rekur, ásamt símenntunarmiðstöðvunum SÍMEY á Akureyri og Farskólanum á Norðurlandi vestra.

Þeir sem fara í félagsliðanám munu væntanlega taka það hjá þessum sömu aðilum eða hjá Menntaskólanum á Ísafirði.

Verkefnið er fjármagnað af Fræðslusjóði framhaldsfræðslunnar.  SÍMEY útvegar matsaðila.

Verkefnastjóri er Sigurborg Þorkelsdóttir og hefur hún, ásamt Birni Hafberg náms og starfsráðgjafa, undirbúið fólkið fyrir matið.

• sunnudagurinn 15. nóvember 2015

Góður gangur í íslenskunámi

Nemendur á námskeiði í íslensku á Bíldudal.

Það hefur verið góð aðsókn að námskeiðum í íslensku fyrir útlendinga hjá Fræðslumiðstöð Vestfjarða það sem af er þessu haust. Íslenskan er kennd samkvæmt námsskrá frá mennta- og menningarmálaráðuneytinu og er skipt á fjögur stig þar sem gert er ráð fyrir 60 kennslustundum á hverju stigi. Fræðslumiðstöðin hefur farið þá leið að skipta hverju stigi á tvö námskeið, 30 kennslustundir hvort.

• mánudagurinn 2. nóvember 2015
• Dagný Sveinbjörnsdóttir