Endurmenntun fyrir atvinnubílstjóra

Fræðslumiðstöð Vestfjarða býður upp á námskeið í endurmenntun atvinnubílstjóra með ökuréttindi í flokkum C1, C, D1 og D.

Atvinnubílstjórum í vöruflutningum og farþegaflutningum í atvinnuskyni er gert að sækja 35 kennslustunda endurmenntun á fimm ára fresti. Námskeiðin eru fimm talsins sjö kennslustundir hvert.

Þeir bílstjórar sem fengið hafa réttindi sín fyrir 10. september 2013 þurfa að ljúka endurmenntun fyrir 10. september 2018. Allir sem endurnýja ökuskírteini með þessum flokkum eftir þann tíma þurfa að hafa lokið endurmenntun.

Fræðslumiðstöð Vestfjarða er með leyfi og viðurkenningu frá Samgöngustofu samkvæmt ákvæðum í reglugerð nr. 830/2011 um ökuskírteini. 

Eftirfarandi námskeið verða í boði í maí og júní, skráning og upplýsingar í síma 4565020 og á heimasíðu Fræðslumiðstöðvar Vestfjarða http://frmst.is/ .

• Lög og reglur                                  
• Umferðaröryggi - bíltækni
• Vistakstur – öryggi í akstri
• Skyndihjálp                       

• fimmtudagurinn 6. apríl 2017
• Sólveig Bessa Magnúsdóttir

Lærðu að sýra þitt eigið grænmeti og bættu heilsuna

Fallegar krukkur með sýrðu grænmeti

Um helgina geta Ísfirðingar og nærsveitungar lært að sýra sitt eigið grænmeti á námskeiði hjá Fræðslumiðstöð Vestfjarða.

Dagný Hermannsdóttir, súrkálsfíkill með meiru, mun mæta á staðinn á laugardag og kenna þátttakendum listina að sýra sitt eigið grænmeti. Dagný er mikill viskubrunnur þegar kemur að þessir ævagömlu náttúrulegu leið til að geyma grænmeti. Undanfarið hefur hún haldið fjölmörg námskeið víða um land sem notið hafa mikilla vinsælda. Einnig heldur hún út facebókarsíðunni „Súrkál og annað mjólkursýrt grænmeti”.

Sýrt grænmeti er einstaklega holl afurð því það að kallar fram ýmsar góðar bakteríur og gerla sem eru góðir fyrir þarmaflóruna, auk þess sem vítamín varðveitast einstaklega vel með þessari aðferð. Þá er sýrt grænmeti auðmeltanlegra en ferskt.

Engin sérstök tól eða tæki þarf til að sýra grænmeti, nægir að eiga skurðarbretti, hníf og krukku.

Með námskeiðinu gefst einstakt tækifæri fyrir þá sem hugsa um heilsuna að ná sér í þekkingu og upplagt fyrir grænmetisætur og þá sem aðhyllast vegan matarræði. Kennslan verður bæði í formi fyrirlesturs og sýnikennslu. Boðið verður upp á smakka á um tuttugu útgáfum af sýrðu grænmeti og þátttakendur fá bækling þar sem tekin eru saman helstu atriði sem hafa þarf í huga auk nokkurra uppskrifta.

Áhugsömum er bent á að enn er hægt að skrá sig, annað hvort á vef Fræðslumiðstöðvarinnar eða í síma 456 5025.

• föstudagurinn 3. mars 2017
• Sólveig Bessa Magnúsdóttir