Rannsóknasetur um sveitarstjórnarmál í samstarfi við Fræðslumiðstöð Vestfjarða kynna:
Upplýsingaöryggi hjá opinberum stofnunum:
Innleiðing öryggisstefnu, framkvæmd áhættumats og áhættumeðferð
Námskeið fyrir starfsfólk ríkis og sveitarfélaga á Vestfjörðum
Námskeiðið verður haldið miðvikudaginn 8. maí frá kl. 9 - 16 í Fræðslumiðstöð Vestfjarða, Suðurgötu 12, Ísafirði. Lágmarksþátttaka er 10 manns á námskeiðið.
Þátttökugjald er kr. 29.500.
Umsjón og fyrirlesari: Sigurjón Þór Árnason, gæða- og upplýsingaöryggisstjóri hjá Veðurstofu Íslands.
Námskeiðið byggir m.a. á hópastarfi og því er ekki boðið upp á fjarnám að þessu sinni.
- miðvikudagurinn 20. febrúar 2019
-
Vefurinn
“Sagnabrunnur Vestfjarða”
kynntur í Fræðslumiðstöð Vestfjarða, Suðurgötu 12, Ísafirði
Fimmtudaginn 21. febrúar, kl. 16:00 – 17:00
Allir hjartanlega velkomnir!
Fimmtudaginn 21. febrúar mun Kjartan Ólafsson opna vefinn „Sagnabrunnur Vestfjarða“, sem stofnaður hefur verið af prófessorsembætti Jóns Sigurðssonar við Háskóla Íslands og Safni Jóns Sigurðssonar á Hrafnseyri (sjá: www.sogurogsagnir.is ). Markmið Sagnabrunnsins er að safna saman óbirtu efni, sem liggur í skjalasöfnum og einkaeigu á einn stað sem opinn er öllum, og miðla því til fólks, ferðaþjónustuaðila, skóla og annarra stofnana sem öll geta notað þetta efni að eigin vild. Hér er því um að ræða upplýsingaveitu fyrir almenning er varðar líf fólks á Vestfjörðum gegnum aldir. Allir geta sent inn sögur, sagnir, örnefni og lýsingar af lífi fólks og atburðum héðan af svæðinu, sem það á í fórum sínum og vill koma á framfæri við almenning, og allir geta lesið þetta efni sér til ánægju og fróðleiks.
Kjartan Ólafsson og Búnaðarsamband Vestfjarða hafa góðfúslega veitt leyfi til þess að fyrsta efnið sem sett verður á vefinn er vinnuhandrit Kjartans sem inniheldur lýsingar, sögur og sagnir úr Vestur -Ísafjarðarsýslu og Vestur-Barðastrandarsýslu er hann safnaði og setti saman á vegum Búnaðarsambandsins.
Prófessor Guðmundur Hálfdanarson, Háskóla Íslands
Valdimar J. Halldórsson, Staðarhaldari á Hrafnseyri,
Frekari upplýsingar veitir Valdimar J. Halldórsson í síma 845 5518
- þriðjudagurinn 19. febrúar 2019
-
