Forsíða
Fræðslumiðstöð Vestfjarða
frmst@frmst.is
456-5025

Endurmenntun Atvinnubílstjórar - gagnlegar upplýsingar

Fræðslumiðstöð Vestfjarðar býður upp á námskeið í endurmenntun atvinnubílstjóra.

Bílstjóri sem ekur stórri bifreið í ökuréttindaflokki D1 og D til farþegaflutninga í atvinnuskyni og í flokki C1 og C til vöruflutninga í atvinnuskyni skal sækja 35 kennslustunda endurmenntun á 5 ára fresti.

Hverjir þurfa að sækja endurmenntun? Þeir bílstjórar sem fengið hafa réttindi sín fyrir 10. september 2013 þurfa að klára endurmenntun fyrir 10. september 2018. Hinir og reyndar allir sem endurnýja ökuskírteinið sitt með þessum flokkum eftir þann tíma þurfa að hafa klárað endurmenntun.

Hverjir þurfa ekki að sækja endurmenntun? Þeir bílstjórar sem aka aðeins í eigin þágu og eru ekki í flutningum gegn gjaldi, þurfa ekki að sækja endurmenntun frekar en þeir vilja.

Hvað er námið langt? Fjöldi kennslustunda í endurmenntun skal vera samtals 35 stundir í 7 kennslustunda lotum á síðustu fimm árum fyrir endurnýjun. Námið samanstendur því af fimm stuttum námskeiðum sem má dreifa á þetta tímabil.

Hvað er kennt í endurmenntun? Þrjú námskeið taka allir, síðan er val um námskeið eftir því hvort bílstjóri stundar aðallega farþegaflutninga eða vöruflutninga en hann má taka bæði. Að lokum er tekið sérhæft námskeið, ef með þarf (það er val)

A. Kjarni (sem allir taka):

1. Vistakstur – öryggi í akstri

2. Lög og reglur

3. Umferðaröryggi - bíltækni

 

 

B. Valkjarni (velja um annað hvort eða bæði):

4. Farþegaflutningar og/eða

4. Vöruflutningar

 

 

C. Val (eitt sérhæft námskeið ef þörf er á)

5. t.d. Skyndihjálp fyrir atvinnubílstjóra (Valnámskeið hjá Fræðslumiðstöð Vestfjarða)

Hægt er að fara inn á Ask, vef Samgöngustofu með íslykli eða rafrænum skilríkjum og fletta upp hvaða námskeiðum er lokið.

Slóðin er: https://askur.samgongustofa.is

Vantar þig aðstöðu fyrir eitthvað skemmtilegt í sumar?

1 af 2

Þar sem það er venjulega lítið um að vera í húsakynnum Fræðslumiðstöðvarinnar yfir sumartímann erum við að kanna hvort einhver hefur áhuga á að leigja hluta húsnæðisins í sumar undir eitthvað skemmtilegt. Við bjóður upp á gott aðgengi beint af götunni en mikið af ferðamönnum fara hér hjá á leið milli miðbæjarins og húsanna í Neðstakaupstað. Þetta er upplagt tækifæri fyrir fólk með góðar hugmyndir sem vill gera eitthvað tímabundið í sumar. Þeim sem vilja kynna sér málið nánar er bent á að tala við Elfu Hermannsdóttur forstöðumann Fræðslumiðstöðvarinnar í síma 860 9490 eða senda henni póst á elfa@frmst.is.

Eldri færslur