Haust 2025

Náminu er ætlað að efla hæfni einstaklinga í tæknilæsi og tölvufærni og gera þeim kleift að halda í við þær hröðu breytingar sem átt hafa sér stað í tæknilausnum í daglegu lífi sem og á vinnumarkaðnum. Þau sem hafa ekki lokið námi í framhaldsskóla eru í forgangi en aðrir eru velkomnir.

Í náminu er lögð megináhersla á að efla sjálfstraust þátttakenda gagnvart tækni og tölvum. Skilningur á grunnþáttum tölva er efldur og grunnhæfni í notkun tölva og snjalltækja verður þjálfuð. 

Markmið námsins er að: 

• Auka tæknilæsi og tölvufærni námsmanna með það að leiðarljósi að efla hæfni einstaklinga til að takast á við breytingar og undirbúa þá þannig til að halda í við tækniframfarir í atvinnulífinu.  
• Efla skilning á grunnþáttum stafræns umhverfis og grunnhæfni í stafrænu vinnuumhverfi samtímans.  
• Veita námsmönnum hæfni og trú á eigin getu til að vinna við upplýsingatækni og í stafrænu umhverfi á þann hátt að þeir geta haft áhrif á vinnuumhverfi sitt með einföldum aðgerðum.  
• Styrkja stöðu námsmanna á vinnumarkaði og veita þeim greiðari aðgang að fjölbreyttari störfum.  

Námsþættir:

• Fjarvinna og fjarnám
• Sjálfvirkni og gervigreind
• Skýjalausnir
• Stýrikerfi 
• Tæknifærni og tæknilæsi
• Öryggisvitund

Kennt er eftir námskrá Fræðslumiðstöðvar atvinnulífsins. 

Kennari: Ármann Haraldsson.
Tími: Kennt tvo daga í viku uta hefðbundins vinnutíma. Nánari tímaseting auglýst síðar.
Lengd: 42 klukkustundir.
Staður: Fjarkennt.
Verð: 19.000. kr.
Námsmat: Til að ljúka námi með fullnægjandi hætti þarf að minnsta kosti 80% tímasókn og virka þátttöku.

Minnum væntanlega þátttakendur á að kanna rétt sinn til endurgreiðslu þátttökugjalds hjá sínu félagi.