28. og 29. janúar

Fjögurra kukkustunda námskeiðið er ætlað öllum þeim sem vilja læra eða rifja upp grunnatriði skyndihjálpar og sálræns stuðnings og öðlast lágmarksfærni í að veita slösuðum eða veikum aðstoð í bráðatilfellum. Stutt og gott námskeið fyrir alla.

Markmið er að þátttakendur öðlist grunnfærni í að beita skyndihjálp og sálrænum stuðningi í neyðartilvikum.

Viðfangsefni:

• Kynning, hvað er skyndihjálp?
• Undirstöðuatriði; streita í neyðartilfellum, tilfinningarleg viðbrögð eftir að hafa veitt skyndihjálp, sálrænn stuðningur og að forðast sýkingar.
• Fjögur skref skyndihjálpar; tryggja öryggi á vettvangi, meta ástand slasaðra eða sjúkra, sækja hjálp og veita skyndihjálp.
• Grunnendurlífgun og sjálfvirkt hjartastuð; að athuga viðbrögð, að opna öndunarveg, að athuga öndun, hjartahnoð og blástursaðferð, sjálfvirkt hjartastuð (AED), endurlífgunarkeðjan, hliðarlega og losun aðskotahlutar úr öndunarvegi.
• Skyndihjálp; stutt umfjöllun um innvortis- og útvortis blæðingar, bruni, höfuðhögg, brjóstverkur (hjartaáfall), bráðaofnæmi og heilablóðfall.

Eftir að hafa setið námskeiðið fá þátttakendur sótt sér viðurkenningu frá Rauða krossinum á Íslandi og velferðarráðuneytinu.

Mælt er með endurmenntun annað hvert ár.

Kennari: Auður Ólafsdóttir.
Lengd: 4 klukkustundir (tvö skipti skipti).
Staður: Fræðslumiðstöð Vestfjarða Suðurgötu 4 Ísafirði.
Tími: 28. og 29. janúar kl 8:15-10:15.
Verð: kr. 12.500.-