Í haust var tekin sú ákvörðun að gefa ekki út bækling með yfirliti yfir þau námskeið sem Fræðslumiðstöðin býður upp yfir veturinn. Það þýðir þó ekki að við séum dauð úr öllum æðum, öðru nær. Nú er að fara í dreifingu blöðungur þar sem kynnt eru þau námskeið sem fyrirhuguð eru á Ísafirði í október og nóvember, en fleiri námskeið eiga eftir að bætast við. Þarna kennir ýmissa grasa eins og upptalningin hér fyrir neðan sýnir.

Áhugasamir eru hvattir til að kynna sér námskeiðin nánar hér á síðunni eða í síma 456 5025. Og svo er um að gera að skrá sig tímanlega til þess að tryggja lágmarksþátttöku.

Námskeið í október og nóvember:

• Íslenska fyrir Taílendinga
• Textíll og ull – þæfing og saumur
• Verkefnastjórnun - grunnur
• Fjölbreytt mataræði og gerð matseðla
• Þarmaflóran
• Tölvur ekkert mál – Netið, tölvupóstur og facebook - fyrir eldri borgara
• WordPress - grunnur
• Umferðaröryggi - bíltækni - endurmenntun atvinnubílstjóra
• Lög og reglur - endurmenntun atvinnubílstjóra
• Vistakstur – öryggi í akstri - endurmenntun atvinnubílstjóra