Í síðustu viku gerði starfsfólk Fræðslumiðstöðvar Vestfjarða víðreist um Vestfirði. Með í för voru starfsmenn Verkalýðsfélags Vestfirðinga, Félags opinberra starfsmanna á Vestfjörðum og Starfsendurhæfingar Vestfjarða. Kynningar voru haldnar sitt hvert kvöldið á fjórum stöðum á Vestfjörðum: Reykhólum, Sævangi á Ströndum, Flateyri og Patreksfirði. Það ríkti góð stemming á þessum kynningarkvöldum þar sem hver stofnun kynnti sýna starfsemi. Auk þess voru fengnar vanar konur á hverjum stað til að halda örnámskeið í að sníða og sauma sláturkeppi. Auk þess að halda þessar kynningar var farið í heimsóknir á ýmsa vinnustaði á viðkomustöðum og heilsað upp á starfsfólk þar.