Á dögunum heimsóttu þau Smári Haraldsson forstöðumaður og Kristín Sigurrós Einarsdóttir verkefnastjóri Árneshrepp. Komu þau við á nokkrum stöðum í sveitinni, meðal annars í Finnbogastaðaskóla og Kaupfélaginu í Norðurfirði og hittu fólk og ræddu um möguleika á námskeiðahaldi í hreppnum. Eftir helgina ætla svo þeir Björn Hafberg náms- og starfsráðgjafi og Jón Arnar Gestsson að fylgja heimsókninni eftir og kynna námsframboð og kanna áhuga fólks. Meðal þess sem kynnt verður eru áform um viðamikið nám í fjarnámi, eða svokallaðan Grunnmenntaskóla sem er 300 kennslustunda nám.