Upp er runnið nýtt ár með nýjum tækifærum. Starfsfólk Fræðslumiðstöðvarinnar er í óða önn að setja saman dagskrá vorannar og eru námskeiðin byrjuð að tínast inn á vef miðstöðvarinnar. Eins og venjulega verður margt í boði og ættu flestir að geta fundið eitthvað við sitt hæfi. Á næstu dögum verður sent út dreifibréf til þess að auglýsa næstu námskeið en búast má við að námskeiðahald verði komið á fullt skrið upp úr miðjum janúar.