ForsÝ­a
FrŠ­slumi­st÷­ Vestfjar­a
frmst@frmst.is
456-5025

┌tvarp sem skapandi mi­ill - nřtt nßmskei­ ß nřju ßri

Eitt af fyrstu námskeiðum ársins 2017 kallast Útvarp sem skapandi miðill - þættir af mannabyggð og snortinni náttúru. Um er að ræða námskeið í útvarpsþáttagerð á vegum Kol og salt í samstarfi við Prófessorsembætti Jón Sigurðssonar og Fræðslumiðstöð Vestfjarða.

Markmið námskeiðsins er að kynna fyrir þátttakendum eðli og möguleika útvarps/hljóðmiðilsins og ólíkar leiðir til að segja sögur í gegnum útvarp. Einnig að opna nemendum gáttir til að nýta sér útvarpsmiðilinn á frjóan, áhugaverðan og persónulegan hátt og kynna fyrir nemendum grunnatriði sem lúta að viðtalstækni, klippingu, heimilda- og hugmyndavinnu

Afrakstur námskeiðsins eru þættir sem þátttakendur vinna á tímabilinu - í kringum hálftíma langir. Búin verður til hlaðvarpssíða sem vistar alla þætti verkefnisins og úrval þeirra síðan sent út á Rás 1. Næstu vikur og mánuði eftir að námskeiðinu lýkur verða framleiddir fleiri þættir í samráði við ritstjórn verkefnisins. Greitt verður fyrir alla þætti sem teknir eru til flutnings.

Kennarar eru ekki af verri endanum en aðal kennarar og umsjónarmenn námskeiðsins eru Elísabet Indra Ragnarsdóttir og Þorgerður E Sigurðardóttir. Gestakennarar verða m.a. Eiríkur Guðmundsson, Eiríkur Örn Norðdahl, Finnbogi Hermannsson, Halla Ólafsdóttir, Pétur Grétarsson og Vera Illugadóttir.

Kennt verður helgina 14./15. janúar og helgina 11./12. febrúar. Vikurnar fjórar þar á milli verður kennt eitt kvöld í viku í fjarkennslu kl. 17 - 19. Nemendur fá heimaverkefni í viku hverri. Gera þarf ráð fyrir allt að þremur klst. á viku í heimavinnu. Helgarlotur verða á Ísafirði, fjarnám geta nemendur stundað þar sem þeir kjósa.

Áhugasamir skrá sig á námskeiðið hér á síðunni undir Námskeið. Viðbótarupplýsingar sem þurfa að fylgja umsókninni þarf að senda í tölvupósti á smari@frmst.is. Þetta eru upplýsingar um menntun og reynslu viðkomandi sem gæti nýst við gerð útvarpsþátta (stutt ferilskrá, ein A4 síða að hámarki). Einnig er beðið um hugmyndir að efni fyrir þætti sem viðkomandi gæti hugsað sér að vinna að (200 orð að hámarki). Farið verður með þessar upplýsingar sem trúnaðarmál.

Nánari upplýsingar veitir Elísabet Gunnarsdóttir í síma 868 1845.