ForsÝ­a
FrŠ­slumi­st÷­ Vestfjar­a
frmst@frmst.is
456-5025

Fiskvinnslunßmskei­ hjß HG

Hra­frystih˙si­-Gunnv÷r Ý HnÝfsdal (mynd ˙r bb.is)
Hra­frystih˙si­-Gunnv÷r Ý HnÝfsdal (mynd ˙r bb.is)

Þegar verkfall sjómanna brast á um miðjan desember og landaður afli hafði verið unninn, notaði Hraðfrystihúsið-Gunnvör tækifærið og fékk Fræðslumiðstöðina til að halda námskeið fyrir starfsfólkið. Kennd var námsskrá sem sérstaklega var skrifuð fyrir fiskvinnslufólk og gefur að lokinni starfsþjálfun starfsheitið sérhæfður fiskvinnslumaður. Allir þátttakendur í náminu hafa unnið það lengi í fiskvinnslu að þeir teljast hafa lokið starfsþjálfuninni.

Fiskvinnslunámið er 48 klukkustundir og samanstendur af 12 námsþáttum. Þeir eru ærið mismunandi en allir sérsniðnir fyrir viðkomandi störf. Í náminu er farið í sjálfstyrkingu, samskipti, fjölmenningu, öryggismál, kjarasamninga, gefin yfirsýn yfir greina sem og markaðsmál og síðast en ekki síst er farið ítarlega í gæðamál og meðferð matvæla.

Námið var kennt á 6 dögum; fjórum fyrir jól og tveimur á milli jóla og nýárs. Meirihluti kennara eru heimamenn, en starfólk úr Fisktækniskóla Íslands kenndi 4 námsþætti. Vegna samgönguerfiðleika komu þau ekki vestur heldur kenndu úr Fisktækniskólanum í Grundavík í gegn um samskiptaforritið GoToMeeting. Stefna Fræðslumiðstöðvarinnar hefur verið að þjálfa heimafólk í að kenna þetta nám, en þó er mjög mikilvægt að halda tengslum við Fisktækniskólann, bæði vegna þeirra þekkingar sem þar er og ekki síður vegna samskipta við það ágæta fólk sem þar starfar.

Í fiskvinnslunáminu núna eru um 50 manns frá HG, auk þess sem 3 manneskjur frá fyrirtækinu Vestfiski tóku hluta námsins sem þær áttu óloknum. Kennt er hjá Fræðslumiðstöðinni að Suðurgötu 12 á Ísafirði. Fræðslumiðstöðin og starfsfólk hennar hefði ekki getað lokið starfsárinu 2016 á betri hátt. Með fiskvinnslunáminu uppfyllir miðstöðin þær megin skyldur sínar, sem eru að verða einstaklingum og fyrirtækjum á Vestfjörðum að liði. Takist okkur það erum við ánægð.